入行二十年!TVB戲骨失落頒獎禮,嘆謂:次次都系做助攻

TVB嘅重頭劇《大帥哥》唔經唔覺就已經嚟到咗尾段,唔知各位忠實嘅港劇迷有無晚晚都追住睇呢?隨著劇情嘅發展越嚟越緊張,加埋一眾演員嘅落力演出,可以講系收視口碑雙豐收。

不過對于該劇贏盡民心就喺舊年嘅《萬千星輝頒獎典禮2018》中卻“空手而回”,一個獎都冇,再對比當初TVB高層隆重其事請張衛健回巢拍戲,兼夾喺五星級大酒店舉行簽約儀式,實在系唏噓萬分。

更加意外嘅系,《大帥哥》之后唔單止無列入臺慶劇當中,甚至有傳將會成為倉底劇,播出無期,讓唔少粉絲大呼失望!話時話,劇情發展到而家,因為洪永城飾演嘅馬炭“黑化”,飾演羅義嘅徐榮都喪命于昔日好兄弟槍下,呢一幕實在系賺人熱淚。 不過喺劇中羅義角色戲份比較重,但又得唔到相對應嘅關注,徐榮就坦言:“我都好想人去關注,次次我助攻,冇人交波畀我,又冇得射球我又點會畀人關注呢。”

其實講到徐榮,相信各位忠實嘅港劇迷都唔陌生。1974年生嘅佢曾經憑藉參加1998年第13期藝人訓練班而加入咗TVB,開始發展其演藝事業,而同屆嘅同學就有楊怡、林峰、揚明等。

雖然飾演多數都系一啲配角類角色,不過期間,佢都參演過唔少嘅電視劇集,譬如《巨輪2》、《皆大歡喜》、《再生緣》、《同事三分親》、《愛·回家》、《畢打自己人》、《天天天晴》、《天梯》、《乘勝狙擊》、《BB來了》等。

而佢都因為精湛嘅演技,喺2007年憑借《同事三分親》嘅“裘俊”一角獲得《萬千星輝頒獎典禮》“最佳男配角”以及“飛躍進步男藝員”嘅提名。第二年繼續憑借《畢打自己人》獲得《萬千星輝頒獎典禮》嘅“最佳男配角”提名。

儘管已經入行二十年,徐榮依舊未有獲得有關獎項,佢就表示話:”其實我哋初入行做茄喱啡嘅時候,就好似做后備球員一樣,每當可以下場比賽嘅時候,就會拼死去踢,有時做后備球員都好想踢正選,但都要自己可以先得。”

對于今次《大帥哥》“零獎項”,徐榮都有自己嘅體會,佢話:“今次嘅比賽落敗原因,可能系時間唔夠,球證又唔補時,明明波入咗底線,佢又判唔入,嗰一刻有啲唔奮氣,不過都睇化啦!!”

發表回覆

你的電郵地址並不會被公開。 必要欄位標記為 *