前港姐張鳳妮息影21年后搞成噉,自爆結婚之后都過住咁嘅生活!

大家都知道香港有大馬女婿劉德華,但系有幾多人知道原來香港仲有一位「大馬媳婦」呢?而且呢位「大馬媳婦」,以前系港姐,仲曾系TVB花旦,佢就系52歲TVB藝人張鳳妮。

「大馬媳婦」張鳳妮呢排就接受媒體專訪,呢位已經息影21年嘅好戲之人,唔知重有幾多人記得佢呢?

張鳳妮曾系八、九十年代時期,無線力捧嘅一線花旦,佢都1987年香港小姐競選「最受歡迎佳麗獎」嘅得主。佢曾參演過多部TVB劇集,代表作包括《他來自江湖》、《餐餐有宋家》以及《天地男兒》等。

1966年出世嘅張鳳妮,喺21年前選擇離開娛樂圈,與大馬富商男友結婚組織家庭。結婚之后,佢為老公先后誕落咗三位公主,宜家三個女分別就系18歲、就17歲以及13歲嘞。多年嚟,張鳳妮徹底退出幕前工作,專心喺屋企相夫教子,同時亦都過上咗幸福少奶嘅生活。 雖然多年嚟張鳳妮冇再踏足娛樂圈,但其實亦有不時返港與親友相聚。上個月,張鳳妮專登返港為出席前TVB金牌監制潘嘉德嘅70大壽壽宴,雖然已經52歲,但系見到張鳳妮魅力依舊,保養得宜。唔少網友都話佢似乎食咗防腐劑般,逆齡生長。

受訪時,問到有咩保持后生嘅秘訣?張鳳妮笑謂其實自己唔中意做運動,更加唔會去節食:「但生活習慣又唔會太夜瞓,唔系每日去飲酒,社交梗系識做啦,一個月兩、三次,打一下麻將噉。人冇咩要求,你就會覺得心境開朗啲,冇乜大壓力,人都會老到冇咁快。」

問到嫁到大馬嘅生活系咪過得好富貴?張鳳妮笑謂,其實并非咩少奶奶生活,仲謙虛指只系一般家庭主婦,照顧家庭嘅生活。

佢又透露,初時嫁到大馬時自己好唔慣,甚至好難頂:「因為當時嘅電視得兩個中文臺,悶到你嘔,所以嗰陣租TVB嘅錄影帶返屋企睇,好悶好悶,所以就好快有細路仔羅,哈。。有咗細路仔之后,外面嘅世界變成點都唔會再理。」

問到可會考慮重返TVB拍劇?張鳳妮則坦言,指現時自己無意再重返幕前拍戲。佢又謂:「我哋呢啲50幾歲,06、28(即朝頭早六點拍到半夜4點)真系唔得嘞,會死人嘅,玩一嚇客串幾集就OK。」

發表回覆

你的電郵地址並不會被公開。 必要欄位標記為 *