唔好睇TVB有唔少茄哩啡演員，但有時究其背景就會令人大吃一驚。比如早年曾憑“梁非凡”一角聞名遐邇嘅麥長青，雖然系TVB一直做茄哩啡，但因為熱衷投資商鋪，一早躍升千萬富豪，兼夾舊年仲開咗一家茶餐廳，日子過得好爽！
而曾經喺《火舞黃沙》中飾演閻萬天嘅綠葉演員王賢志都來頭唔細，與向海嵐有親唔講，而且出身名門，身家高達30億，所以就算得唔到TVB重用都唔緊要，人哋可以繼承家業啊！ 
而同樣系富二代出身嘅鄧兆尊唔單止有錢，而且仲有三個紅顏知己圍繞身邊，堪稱當代表韋小寶！
日前佢就畀影到與得寵三房Claire一齊食飯，同臺仲有另外一位女士，雖然食飯嗰陣，佢哋都有傾偈，但鄧兆尊開口唔多，可能系席間氣氛太過壓抑，過咗一陣Claire就同另外嗰位女士去餐廳出面食煙，期間佢哋有講有笑，睇嚟關系好好。 
作為已故粵劇名伶新馬師曾嘅長子，鄧兆尊可謂名副其實嘅出身富貴，儘管坐擁多處豪宅名車，但鐘意做戲嘅鄧兆尊卻仍舊喺TVB苦熬咗好多年，最眾所周知人嘅一個角色，當屬喺《皆大歡喜》中飾演風趣幽默嘅高爾康。 
只系身家豐厚注定得唔到TVB力捧，所以近年逐漸減產嘅佢未有喺幕前演出嘅機會！
儘管曾志偉曾經力邀佢返TVB，可惜現年51歲鄧兆尊就算返去拍劇，都只能夠飾演老豆阿爺嘅角色，呢種綠葉配角，后生嗰陣，恐怕佢一早做到厭喇！
不過就算冇戲拍，鄧兆尊嘅生活都依舊精彩！話曬能夠有三個女友，而且佢哋都和平相處，唔系普通人可以做到嘅，唔怪得有網友調侃，何鴻燊同劉鑾雄都唔可以同佢比！不過鄧兆尊從來都無正面回應最愛邊個，只強調自己會盡力滿足每一個女友嘅心愿。 
雖然人人艷羨鄧兆尊可以獨享齊人之福，可佢73歲阿媽就曾經哭訴兒子過得唔舒心，話曬有女人嘅地方是非多，何況仲系3個，家事纏身嘅滋味，相信結過婚嘅人都清楚，所以就算鄧兆尊想結婚生子都不能如愿，因為呢三個女友肯定唔會輕易放手，到時話曬會爆發一場戰爭，而鄧兆尊都必定唔可以全身而退，所以先形成而家部分長幼、唔結婚、唔生子嘅和平相處之道！ 
表面光鮮，內里艱難，其實都未必如普通人這般幸福！
Like MisshkNews Facebook！不出门也能知天下事～
