有意追二胎!42歲離巢小生希望再生個女寶寶湊“好”字

日前,陳智燊就同一眾藝人出席咗TVB劇集《三個女人一個因》嘅慶功飯局,雖然該劇喺《TVB萬千星輝頒獎典禮》中冇獲得有關獎項,但系就贏盡口碑,而黃智雯都憑借該劇嘅出色表現,榮升成為“星馬視后”!再次恭喜!

咁講到陳智燊,喺舊年年中嘅時候,佢就宣布咗離巢外闖,同公司結束咗12年嘅賓主關系。佢表示話:“因為太多人問,我唔想太多揣測。我都想透過呢個機會多謝樂小姐(樂易玲)、余詠珊同曾勵珍,我冇攞過獎,冇得喺臺上多謝佢哋,但系有需要多謝,我可以拍到戲同做主持都系因為TVB。”

而舊年陳智燊離巢之時,正正就系其太太宋熙年大肚嘅時候。其實結婚之后嘅陳智燊同太太宋熙年一直都感情穩定甜蜜,系圈中出名“愛妻號”嘅陳智燊,不時都會分享同太太嘅一點一滴,真系隔著屏幕都能夠感受到佢哋嘅“煙韌”~

轉嚇眼,兩個人嘅仔仔都已經三個幾月,好精靈得意。至於問到會否因此而再追多一個,陳智燊就笑話:“新一年會努力經營網上平臺,唔會咁快再生多一個,等太太做自己鐘意嘅事情先,我都想湊個‘好’字,但遲啲先。”

果然系“愛妻號”冇錯啦!一句”等太太做自己鐘意嘅事情先”!相信唔少粉絲都迫不及待嘅要送上祝福啦~其實自細就喺英國大嘅陳智燊一直都畀傳媒稱佢為“最有紳士風度”嘅藝人,咁睇嚟系冇錯喇~

喺2003年嘅時候,陳智燊就由英國返到咗香港希望加入娛樂圈工作,后來進入咗TVB嘅藝人訓練班,簽約TVB開始發展其演藝路。喺加入公司之初,陳智燊大多數都系飾演啲配角或者系閑角類角色,直到最近嘅《誰家灶頭無煙火》先首度擔任第二男主角。

期間呢,佢都參演過唔少嘅劇集,譬如《天天天晴》、《沖呀!瘦薪兵團》、《幸福摩天輪》、《法外風雲》、《水發胭脂》、《名門暗戰》、《超能老豆》、《溏心風暴3》、《三個女人一個“因”》等。

據悉,喺跟住落嚟嘅TVB新劇《堅離地愛堅離地》中陳智燊都將擔任主要角色,唔知到時佢又會畀我哋帶嚟點精彩噶演出呢?大家不妨一齊期待啦!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *