與內地小生突然結婚!40歲前TVB花旦坦言唔打算“雪卵”生寶寶

舊年,藝人周勵淇就突然間喺社交網上宣布已經同內地藝人傅浤鳴完婚,好消息一出可以講系瞬間引起咗全城熱議,好似冇幾耐前表示自己系單身,轉眼間就已經成為人妻,唔少網民都紛紛表示:“來得太突然啦”!

不過喺兩個人嘅婚訊公布后,老公傅浤鳴即刻畀大起底,45歲佢嘅同太太已經結婚20年,兩人更育有一子。不過喺2017年3月兩個人卻突然間離婚,6月就畀影到周勵淇同男方親密同框,當時周勵淇仲被指系第三個人,甚至有傳周勵淇系奉子成婚。

然而周勵淇就為老公抱不平話:”佢系結過婚、有小朋友,我好多朋友同屋企人都知,不過有啲朋友唔知就好驚訝。我好低調,所以先唔擺酒,但之后會分批請朋友食飯。結婚快慢好難衡量,大家舒服就結婚。我中意就得,大家合得來,舒服就ok。”

至於喺邊注冊結婚,周勵淇繼續保持神秘嘅話:“海外,我想保持低調,從入行到而家都系,唔會特別去講,想有一啲私人空間,我冇大肚,你睇我個肚,奉子成婚系大家嘅揣測,我同大家話唔系。至於幾時會有,我唔知,順其自然,但暫時唔會生,唔關對方有冇仔,因為我想享受二人世界。”

咁1979年生嘅周勵淇今年已經40歲,雖然系高齡產婦,但系對于佢嚟講,一切舒心快樂先系最重要嘅。并唔會讓呢啲條條框框限制自己,讓自己急住生寶寶。但系同公司嘅阿嬌曾經表示自己有去雪卵,而周勵淇就表示唔需要,調理好身體就已經足夠。

其實講到周勵淇,入行前曾經擔任模特嘅佢,后尾畀賞識睇啱而簽約轉行做演員,初出道時就已經同唔少巨星合作,擔任重要嘅角色。更加憑借電影《玉女添丁》而獲得香港電影金像獎最佳新人獎嘅提名,這無疑對一個新人嚟講,系好有力嘅認可同肯定。 后尾獲得TVB監制賞識,就開始拍攝電視劇,參演嘅首部劇集《翡翠戀曲》就已經讓觀眾記住其樂觀熱烈嘅形象。佢參演嘅劇集幾乎都系收視口碑雙豐收,更加憑借劇集《秀才遇著兵》嘅“拾義妹”一角,獲得臺慶頒獎禮,“飛躍進步女藝員”嘅獎,更加系年資最短(1年)獲得該獎嘅藝人。

可惜嘅系,周勵淇喺舊年就同TVB結束左7年嘅部頭合約,離巢轉簽英皇娛樂。不過而家佢都已經踏上咗人生嘅新征程,雖然暫時無生寶寶嘅計劃,但系緣份呢樣嘢,唔知幾時就嚟啦,希望周勵淇可以繼續畀我哋帶嚟新作品,期待!

發表回覆

你的電郵地址並不會被公開。 必要欄位標記為 *