隨時坐正做億萬闊太!32歲前港姐爆男友急結婚試探口風

日前,TVB藝人陳庭欣就現身慈善步行嘅活動,喺活動中,佢就表示對于慈善事業絕對系身體力行,除咗舊年因為要忙住開工之外,幾乎年年都會支持!

佢就表示話:“尋晚做節目做到十一點幾,瞓咗四個鐘又起身,不過越早起身就越緊張,好彩起到身。男友點會嚟嘅,不過都可以叫佢間公司做多啲慈善,但系我知佢已經起咗身,因為今日朝早系佢打電話叫我起身,但最大功勞系我阿爸,因為系佢揸車車我嚟會場。”

不過陳庭欣自從大方承認同彩豐行老板楊振源交往后,兩人不時都會喺社交網上甜蜜放閃,感情一日千里。雖然多次傳出佢哋好事近嘅消息,但系佢哋卻始終澄清否認。唔知幾時先真正傳出好消息呢? 咁較早前陳庭欣就畀影到同男友喺工展會上甜蜜巡看鋪頭,對此,陳庭欣甜笑回應話:「其實我年年都有行嘅,唔系以事頭婆嘅身份,系以市民身份,我系去支持。我唔系高調拍拖,但唔會好似以前咁逃避。雖然我而家都系事業為先,但雙方都覺得咁舒服都可以講下,我系輕鬆,冇咁避忌,系開心事。”

至於結婚嘅計劃,陳庭欣就怕丑回應表達話:“我個人都無結婚計劃,但系男友耐唔幾就唔小心講一、兩句,我哋實際上仲未有計劃,最近好多朋友都無端端恭喜我,如果真系結婚我會同大家講,大家唔好心急。

佢仲繼續講:“佢(男友楊振源)問我有冇諗過將來婚禮點搞,我輕描淡寫講過想戶外,但唔會再有下句,因為我會同佢講慢慢嚟。(你終結呢個話題?)呢個系我身為司儀嘅職業病。”

咁講到陳庭欣,1987年生嘅佢曾經去英國升讀,后來喺2010年嗰陣就返香港參加咗香港小姐嘅競選,喺決賽嗰晚更加系以大勇嘅姿態,一舉奪得咗冠軍嘅寶座。而佢喺選美結束之后就獲得咗公司嘅力捧,開始發展其演藝事業。 期間,佢出演咗《樓奴》、《愛·回家》、《鐵馬戰車》、《公公出宮》、《迷》、《全職沒女》、《踩過界》、《平安穀之詭穀傳說》、《宮心計2深宮計》、《兄弟》等,佢仲憑借喺《宮心計2深宮計》嘅“爛面”形象深入人心。

據悉,喺跟住落嚟嘅新劇《多功能老婆》中陳庭欣均有份出演,唔知到時佢又會畀我哋帶嚟點精彩噶演出呢?

發表回覆

你的電郵地址並不會被公開。 必要欄位標記為 *