【港姐2018】避免重現一人兩票單嘢,重推全民投票選出心水佳麗

2018香港小姐競選將于今個星期日舉行,較早前大會公布比賽制度,表示全民可以投票,投票投出心儀佳麗。每人下載Big Big Channel App就可以最多投出5位心水佳麗,決定權完全喺觀眾手上,看似公平。

TVB喺香港小姐廣告更指出,除咗最多選出5位心儀佳麗之外,當選出三甲后,觀眾可以再一次投票,選出冠軍佳麗。

港姐競選多次搞全民投票,此作為噱頭,吸引觀眾選出心水佳麗。

不過最令人難忘嘅全民投票就系2012年嗰屆,就系選出冠軍佳麗時,投票系統就出現問題,網絡一度癱瘓。

呢段意外都影響咗當晚賽果,本來呼聲最高嘅朱千雪,就變季軍,冠軍就由張名雅爆冷奪得。

就千雪BB多咗個「民間港姐」稱號,而觀眾從此怕咗所謂嘅全民投票,懷疑有造馬之嫌。

其后TVB喺2015年同2016年都有推行過全民投票,直到舊年有個新玩法。

舊年香港小姐選舉同樣都有全民投票,不過冠軍由星級評判團選出,當時系何依婷與雷莊兒之爭,結果八位評判投票之下,變成4:4局面。

而鄭裕玲(Do姐)就可以再投一票,變相佢手持兩票,可以控制賽果,結果佢投畀相對較少觀眾支持嘅雷莊兒,等觀眾覺得詫異,直言賽果不公。

而TVB今次再推出100%全民投票,相信系為咗重拾觀眾對港姐競選嘅信心。

本文轉載於港生活
本站負責轉載以及潤色本文
如有侵權,請聯繫刪除

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *