幾大就幾大!TVB力捧港姐為慈善落力:踩單車進行28日跨國之旅

日前,TVB力捧港姐麥明詩已經與拍乸潘梓鋒正式出發,為慈善籌款進行為期28日嘅踩單車行程,單車大隊將前往南越同泰國等地。

據悉,麥明詩的單車大隊,宜家已經安全到達江門恩平,好在廣東最近嘅天氣尚算暖,平均氣溫都有18-20度左右,不過跟住準備將會降溫,希望麥明詩多多保重身體。

有記者致電,麥明詩拍檔潘梓鋒采訪,潘梓鋒直言行程比較辛苦,又透露喺啱啱出發時就遇到突發情況!

佢話:”都算辛苦,出發冇幾耐就遇到爆胎,我哋幾個合力換胎,好似第二日我哋系踩足九十幾公里。我而家仲適應早瞓早起嘅生活,知道呢28日運動員生涯唔易過,我會注意對抗疲勞同均衡飲食,會盡力完成,希望唔會令大家失望啦!”

雖然踩單車消耗唔少體力,但為咗慈善公益,麥明詩毫無怨言。趁住休息空檔,佢不時更新動態喺社交網,與網民同fans分享行程點滴,唔少網民都為佢打氣,希望佢能夠順利平安到達目的地。

麥明詩現年28歲,雖然入行3年以嚟演技備受評擊,好多人都話佢演技仲有進步空間,但系無論對做戲或者做人做事,麥明詩一直堅定自己嘅原則,就算面對負評,佢仍然坦言面對,并努力改善同做好。

呢次單車之行,有唔少網民好似對佢開始改觀,明明系無線力捧嘅港姐花旦,明明可以選擇出活動拍劇搵錢提高知名度,但佢就揀自己認為更有意義,可以幫助人哋嘅方法去付出同埋努力。

28日嘅跨國單車之行,一日近百公里嘅行程,有踩過長途單車嘅人都知道,這真系唔系普通人能夠承受嘅極限!misshk真心為佢點贊!

麥明詩自從于2015年參加香港小姐奪冠入行后,一直都備受外界嘅關心,事關佢除咗系港姐冠軍,佢仲系TVB歷來少見高材生港姐,畢業于著名劍橋大學法律系,就算佢唔入娛樂圈,大好嘅律師前途都等住佢去發揮!

而喺加盟無線短短3年,麥明詩已經參演多部劇集,包括《賭城群英會》、《使徒行者2》、《誇世代》以及《是咁的,法官閣下》等,喺劇中麥明詩均擔任重要角色戲份。據悉,系未上畫嘅新劇《殺手》中,亦有佢精彩演出!

除此之外,麥明詩仲涉足影壇拍電影,到而家亦都喺多部香港電影中亮相,作品包括《失戀日》、《我的情敵女婿》以及《掃毒2之天地對決》等。在此,misshk真心祝愿麥明詩可以“凱旋歸來”!希望佢可以繼續改善進步,為觀眾帶嚟更精彩的作品!加油!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *