43歲前TVB花旦佘詩曼到而家依舊單身,與謝霆鋒合作后自爆擇偶條件!

憑借宮斗劇《延禧攻略》而再次人氣急升嘅佘詩曼,最近更加系做到變成“空中飛人”,劇接劇嘅佢根本就停唔落嚟。而轉戰內地嘅佢喺《延禧攻略》之后,就再接演咗另一部劇,將喺出年一月正式開拍。

咁而家距離圣誕節仲有半個幾月嘅時間,至於到時會點慶祝,佘詩曼就表示到時將會同朋友一齊開派對嚟個圣誕狂歡夜,不過因為呢排忙緊工作,就一直未能有時間去為朋友準備圣誕禮物。

佢話:“唔可以買禮券代替,要求好嚴格,佢哋仲有一個心愿表,個個寫落想收咩禮物,真系都冇諗過!不過唔怕收到錫士底衫做禮物,我相信我班朋友嘅品味。”

其實1975年生嘅佘詩曼,港姐入行到今年已經43歲,不過到而家佢卻依舊單身。雖然冇男友作伴,但系人緣甚好嘅佢,就有一大班朋友喺身邊。佢話:“唔會覺得寂寞,我有咁多朋友,今年圣誕節得一日假,分身唔落!”

而較早時,佘詩曼就同謝霆鋒一齊合作飲食節目,佢都表示對謝霆鋒嘅廚藝真系好欣賞,當時佢就話:“女仔一般都系冇辦法抗拒一個男人下廚,謝霆鋒做咗《12道鋒味》之后,特別系睇到佢認真煮餸嘅時候,覺得好犀利!”

唔知系咪因為今次嘅合作,佘詩曼對于另一半就多咗一個要求,佢話:“無咩特別,要欣賞對方,有共同話題,我鐘意man一啲嘅,所以煮嘢呢啲都系留返畀我。”

唔理點樣,希望可以繼續睇到佘詩曼畀我哋帶嚟更精彩嘅作品,同時都希望佢可以早日揾到屬於自己嘅,可以相守一生嘅伴侶,祝福!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *