TVB最美「港姐」宣布離巢!呢7位索爆花旦有望“上位”!

又有女星離開TVB娘家!當楊怡、胡杏兒都北上拍戲賺錢,李施嬅、岑麗香今年又緊接離巢,TVB密謀喺2018港姐中物色人選栽培做女主角,不過培育人需要時間,唯有先從當下有潛力或者有話題性的藝員中入手。憑近年同跟住落嚟的多套大熱劇集中,唔難發現以下花旦已經坐正,成為未來視后人選!

黃智雯
TVB鬧人才荒,好多上位女主角都系港姐出身,黃智雯就系其中之一,07年當選后緊接一年,就有多套劇集演出的經驗,由茄喱啡開始做嘢,終于喺《缺宅男女》飾演唯唯老婆(關二嫂)憑「巴渣」角色惹關注,能夠放低港姐氣質一面大膽演戲,實在唔易。

今年《降魔的》分飾莊芷若正邪兩角、以及喺《三個女人一個因》演繹多重人格病患者,一人分飾三角,令網民大贊,網民更大力支持佢今年攞視后!

朱晨麗
朱晨麗2011年以「翻版陳法拉」之名當選港姐冠軍。2012年卸任后到多套大熱劇集演出機會,包《名媛望族》、《沖上云霄II》、《EU超時任務》、《致命復活》同《超時空男臣》等,不過一直都系第二或者第三女主角。

入行7年,朱晨麗對每個角色都好畀心機,例如喺《棟仁的時光》入面有多場鋼管舞戲份,佢就同老師苦練幾個月鋼管舞;喺《超時空男臣》中同何廣沛飾演細太監有段情,攪笑演繹令觀眾加深印象。

今年朱晨麗開始擔正做主角,默默耕耘左7年佢終于有出頭日!晨麗喺《特技人》同《兄弟》中落力演出,飾演May豬同楊青青,表現如何尚等觀眾定奪!

黃翠如
翠如BB做過NOW同有線的娛樂主持,又做過旅游節目,2012年畀TVB非戲劇制作部總監余詠珊邀請加入,隨即畀力捧,攝影《心路GPS》,同陳展鵬有唔少對手戲,不過因為冇咩演出的經驗,演技幼嫩而畀網民大罵。

縱然咁,翠如BB好快就得到飛躍進步女藝員獎,明顯畀捧上位!雖然演技一般,翠如BB憑清純爽直性格吸引大家注目,短短6年就接拍十分多套劇,唔少角色,更加系第一女主角,例如《師父·明白了》、《愛我請留言》、《師奶MADAM》、《我瞞結婚了》,更曾藉住《幕后玩家》顧成雙一角獲提名「最歡迎TVB電視角色」同「最喜愛TVB女主角」。

翠如BB又喺《使徒行者2》飾演臥底鄭淑梅再獲提名,雖然最終與佐獎冇緣,但都系TVB重點栽培對象,而家攝影住《過街英雄》,亦系擔正做女主角!

李佳芯
同翠如BB一樣,李佳芯由有線綜藝娛樂節目主持跳槽到TVB演戲,演藝路并唔似黃翠如般一帆風順。2012年頭加前3年,Ali唯有擔任閑角,喺黃翠如擔正的《愛我請留言》中只屬客串。

不過TVB花旦越嚟越少,喺冇人接棒下,唯有力捧Ali。Ali不負眾望,先喺《潮流教主》飾演紀蕓蕓,短裙、高踭鞋打扮的名媛氣質成功搶鏡,亦都可以演好不擇手段的奸角角色,難怪TVB之后再畀機會,喺《律政強人》、《與諜同謀》同《BB來了》中有得坐正,成功登上一姐地位。

黃心穎
黃心穎2012年以港姐亞軍姿態加入娛樂圈后,即刻上位做女配角,參演《再戰聽日》、《點金勝手》、《以和為貴》等劇,2015年,心穎BB已經獲提名《萬千星輝頒獎典禮2015》的「飛躍進步女藝員」、「最受歡迎電視女角色」、「最佳女配角」同「最佳節目主持」,可以獲得多項提名,絕對唔簡單!

今年《宮心計2之深宮計》中,佢同馬國明情侶檔演出,被指演技突飛猛進,更因慘死一幕而得到網民過千留言關心劇情,佢亦好識做,劇集網上點擊率達30億時騷Bikini相派福利!

嚟緊佢將會喺《丫鬟大聯盟》同《牛下女高音》中首次任多女主角,正式登上一線花旦地位。

陳凱琳
陳凱琳以民選大熱姿態當選2013年港姐冠軍,一卸任拍劇就有得做女配角同女主角,更因拍劇而冇得參加2014年世界小姐,可見極受TVB重視。佢先喺《四個女仔三個BAR》同《張保仔》坐正,但因冇經驗,表情沙塵、層次欠佳。

不過2015年Grace已獲「飛躍進步女藝員」獎項,即使演技未夠仍畀力捧。自從同鄭嘉穎拍拖之后,陳凱琳畀男友訓練得多,演技大有進步,喺《平安谷之詭谷傳說》飾演外國長大、有開放思想的羅桂思,憑外國人外貌加埋恰到好處的演技深得民心。

蔡思貝
同Grace同屆港姐出身的蔡思貝也系力捧小花之一,出道兩年即有機會做女一。不過,因之外,形像網絡紅人達哥而唔受討好,加埋喺《沖線》擔正做女主角,觀眾批評聲線吵耳,封佢做「高分貝」。

不過蔡思貝未受負面報道影響,更加會把握機會,最爆系《踩過界》中以哨牙造型做「麻甩女」,絲毫唔介意形象降級,令人刮目相看!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *