香港小姐2021民選三甲，唔知你鐘意邊個？

《香港小姐2021總決賽》將會喺今晚8點30分進行，屆時會公布港姐冠亞季同埋「最上鏡小姐」等名單，唔知道你哋你鐘意邊個？

不過，比賽總會有輸贏，觀眾最期待嘅三甲會花落誰家呢？根據網友最新嘅投票顯示，2021年港姐民選冠亞季分別就係梁凱晴，關楓馨同埋陳圣瑜。

首先，講下喺參選開始就已經備受關注嘅梁凱晴，作為有「翻版楊采妮」之稱嘅佢，美貌無需質疑，至於智慧方面一樣不容小覷。

梁凱晴喺香港城市大學修讀碩士課程，更以優異成績升讀博士，但由于梁凱晴想參加香港小姐增加人生閱歷，所以放棄咗博士課程。

梁凱晴除咗讀書叻之外，佢仲精通中國舞，拉丁舞等舞蹈。睇嚟佢無論係美貌定智慧，或者才藝方面，梁凱晴絕對有優勢晉升三甲行列。

一樣備受傳媒關注嘅「星二代」關楓馨，佢唔單止遺傳咗父母優良基因，身材亦凹凸有致，學歷方面同樣係碩士生。

喺港姐準決賽嗰晚，更拍乸老竇關禮杰才藝表演，贏盡掌聲，雖然外界對此有質疑嘅聲音，但關楓馨嘅才能同埋表現，的確能讓人眼前一亮。

雖然有住「星二代」嘅光環，但極具實力嘅關楓馨一直都係靠自己，有良好觀眾緣嘅佢，話唔定將來可以為TVB拍劇，甚至可以父女檔上陣，相信會對收視有刺激性作用。

最后就有「翻版方媛」之稱嘅陳圣瑜，同樣係奪冠大熱佳麗之一，另外佢都同樣才華橫溢。

陳圣瑜4幾歲就開始學習行貓步，6歲開始學古箏，12歲就已經有8級嘅古箏水平。另外佢也精通拉丁舞同埋街舞，真係自細就開始培養藝術素養。

除此之外，陳圣瑜嘅個人社交平臺嘅粉絲數量比而家力捧嘅「TVB小花」陳曉華、蔡嘉欣都要多，可見佢一早積累咗唔少人氣。

已經有一定擁躉嘅陳圣瑜，加埋先天嘅外形優勢，相信會備受TVB力捧。

除咗上面三位熱門佳麗之外，仲有票數貼近其后嘅宋宛穎、王嘉慧。前者嚟自選美世家，后者係富二代以及美女學霸代表，兩位同樣兼具美貌與智慧並重。

 唔知道，呢次民選選出嚟嘅港姐三甲人選，會唔會係今晚最終港姐三甲呢？大家不妨拭目以待。