《刑偵日記》贏得好口碑，奈何出街以來收視偏低

TVB熱播劇集《刑偵日記》雖然贏得好口碑，奈何出街以來收視偏低，尋日TVB公布最新收視，《刑偵日記》竟然比上星期再跌多兩點，就得15.5點。

而馬國明、岑麗香主演嘅《寶寶大過天》就升到22.1點。

綜藝節目方面，新推出嘅《盛舞者》比上一檔嘅《識貨》跌咗兩點，就得10.3點，而《明愛暖萬心》有14.8點，比上禮拜有20.9點嘅《愛回家之開心速遞》同17.1點嘅《聲夢傳奇》少。