《卡拉屋企》前港姐招牌笑容留印象,與袁詠儀、梁小冰友情持續29年!

TVB經典處境喜劇《卡拉屋企》每日半夜喺翡翠臺重播,系唔少香港人嘅集體回憶。劇情主要講述退休警務人員「白頭佬」黃家景(楚原飾演)及其屋企人所發生嘅平時大小事為主。

除咗由吳鎮宇、李婉華、楚原、盧宛茵、黎海珊、歐陽震華等人主演,仲有唔少紅極一時嘅明星客串。播出兩個星期,去到第10集,就有飾演督察秘書鄭月英嘅翁杏蘭出場。

翁杏蘭(Helen)嘅混血形象加埋招牌燦爛笑容同兔仔牙,為觀眾留深刻嘅印象。

佢自細喺美國長大,喺美國讀書時期,曾經參加過美國伊利諾非洲青春小姐選舉,到讀大學時參加咗交換生計劃后,嚟香港就讀香港中文大學,后于1990年參選香港小姐。

當年Helen參選嗰陣已經系三甲大熱,因為為人親切而獲得其他佳麗嘅支持,最后奪得亞軍、國際親善小姐同最受佳麗歡迎獎,同屆冠軍同季軍分別就系袁詠儀同梁小冰。當選之后,Helen于同年9月簽約TVB,同古巨基同屆入讀藝員訓練班,并參演電視劇同電影。

直至1993年之后,Helen就返美國繼續學業,現居美國芝加哥從事IT科技行業。不過Helen間中都會返香港探好友袁詠儀、梁小冰以及屆港姐第4名姚康利(Connie),雖然4人居住唔同地方,但仍然關系好好,更上載飯聚相。

相中可見各人只略施脂粉,但樣貌同身材都冇走樣,唔少網民睇到相之后都大贊4人保養得宜。2017年Helen更與靚靚齊齊出席公開活動,接受傳媒訪問時透露,結婚十幾年,但仲未生寶寶,屋企人全部居住美國,自己亦因為工作關係成日來往歐洲,所以好少時間返香港。

當大家都以為Helen已經退出娛樂圈做事業女強人,但其實Helen喺美國簽約經理人公司做特約演員,間中都有參與拍攝工作,包括《Just Like A Woman》、《離奇過小說》(Stranger than Fiction)等電影,更加同Will Ferrell、Emma Thompson等外國演員合作過。

喺2014、2017同2018年拍攝過美劇《Chicago P.D.》同《Chicago Justice》。另外,Helen更演出過多出舞臺劇,當中唔少劇目都甚具有女性主義色彩,更有嘗試自導自演,真正嘅美貌與智慧并重。

發表回覆

你的電郵地址並不會被公開。 必要欄位標記為 *