《反黑》第二季即將開拍!“招積”曬劇本照 網民:超期待!

舊年網劇《反黑》自從播出以嚟,可以講系收視口碑雙豐收,劇情緊張刺激,加埋一眾演員嘅落力演出,喺劇集播出后重掀起咗一陣嘅《反黑》熱潮。而飾演“招積”嘅張建聲都憑借該劇而人氣急升。

其實“招積”呢一角色都系張建聲從影以來最大挑戰嘅角色之一,佢重表示呢個角色正正系參考咗joker(小丑)嚟演繹,既牙擦又變態,加埋張建聲融入咗呢個角色嘅情感變化,讓佢演繹更加深入人心。

張建聲喺接受訪問時就試過表示話:“好多觀眾、鐘意招積嘅朋友,成日都會問,幾時會交待點解會變成招積,咁我系會想交待佢成魔之路,點解會做小混混,跟錯大佬等等。從少年時代開始。”

而喺《反黑》完結時,有唔少觀眾朋友都表示,希望可以繼續開拍第二季,雖然都曾經傳過第二季準備開拍,不過唔理劇本或者系演員陣容都一直未有消息。然而就喺今日,“招積”張建聲就喺社交網上上載咗《反黑》(第二季)1-10集嘅劇本,呢就正正意味住第二季《反黑》開拍在即,讓人好期待!

講到張建聲,1983年生嘅佢自入行以來都參演過唔少嘅電影,譬如《線人》、《槍王之王》、《天生愛情狂》、《delete愛人》、《沒女神探》、《紀念日》、《毒。誡》、《棟篤特工》、《無雙》、《作家的謊言》等。

睇到第二季《反黑》即將開拍,第一季嘅精彩畫面都一幀幀出現喺腦海,咁第一季結局嘅時候敗走嘅招積,相信喺第二季中一定會強勢回歸,大家拭目以待啦!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *