《白色強人2》宣佈開拍,TVB視後化身醫生教點戴口罩

出爐視帝馬國明尋晚請《白色強人》劇組食飯慶功,佢笑言:「今晚係我請,見人少少就我請咗先,勁多人就等郭晉安佢嚟,大家拍得咁辛苦,應該慰勞下嘅。」

馬國明憑借劇集《白色強人》成為TVB視帝,呢部劇更奪得最佳劇集」大獎,馬國明自掏腰包宴請呢部劇臺前幕後食飯慶功。

有份演出嘅張曦雯、李佳芯、郭晉安、唐詩詠等人都有出席,TVB高層曾勵珍現身支持,并即場宣佈籌備開拍《白色強人2》。

馬國明獲封視帝好多同事都替佢開心,舊愛黃心穎都喺社交平臺恭喜佢,馬國明直言收到黃心穎嘅恭喜短訊,佢回復多謝之余,都叫黃心穎加油繼續努力。

另外,張曦雯喺臺慶頒獎禮奪得「飛躍進步女藝員」,佢表示定咗請食飯,原本以為同馬國明一齊請食飯分擔費用,但唯有下次再約。

張曦雯攞獎冇特別慶祝,因為屋企人唔喺香港,男朋友送花畀佢,頒獎禮之後佢為劇集《踩過界Ⅱ》開工,同張振朗一齊慶祝,遲啲再去緬甸拍外景,會帶媽咪一齊去。

「TVB視後」唐詩詠化身蘇怡醫生,喺社交平臺發文提醒大家要記得戴口罩出街,并教大家點樣正確佩戴口罩!

唐詩詠留言話:「蘇怡醫生提提你,最理想的口罩是外科口罩有3層,具有可防水、防飛沫的功能

1)巿面上一般口罩是前後兩款顏色,緊記有顏色的一面要向外,口罩需要覆蓋口、鼻及下巴。

2)戴及除口罩前後均需要洗手,即係要有3次潔手。

3)觸摸整個口罩也是不對的,因為口罩表面會有好多細菌病毒,這是最污糟的地方,正確是只觸摸口罩的橡筋或繩子

4)口罩如沾濕了便要更換

好好保護自己同身邊嘅人,記住戴口罩出街」

而「唐明醫生」馬國明就祝大家身體健康:「大家真係要小心新型肺炎,祝大家身體健康,一家人健康快樂。」

最後misshk都希望大家注意健康,冇事少出門口,喺屋重溫經典港劇都好!

Like MisshkNews Facebook!不出门也能知天下事~

發表回覆

你的電郵地址並不會被公開。