《BB來了》準備拍續集?TVB小生:將重任交畀佢啦!

BB來了》舊年播出時深受觀眾歡迎,亦令李佳芯初嘗視後滋味,劇集難得叫好又叫坐,有消息指TVB準備喺10月份開拍續集,向主角黎諾懿求證時,佢就大方承認并透露準備會同劇集監制見面。

“我收到嘅構思系原班人馬拍攝,不過由于幾隻允豬都已經系Trouble Two(兩歲反叛期),所以都要睇下再算。”

李佳芯自舊年接受子宮囊腫切除手術之後,全面暫停拍劇,《BB來了》續集系咪其“復出”之作,黎諾懿就好有信心話:佢唔拍我都唔拍,因為當初我哋好困難完成呢件事,如果續集冇咗呢一個媽咪就唔同曬。

對于系咪拍攝續集,李佳芯接受訪問嘅時候就表示:如果有需要咁會拍。

題材方面,黎諾懿雖然唔敢肯定,但佢認為離唔開小朋友教育。“因為監制嘅小朋友都就快讀書,佢應該喺呢個題材上有好多發揮,加埋小演員唔易搵,所以更加會以小朋友為主,唔會有小三、外遇嗰啲。”

舊年劇集為李佳芯帶嚟視后寶座,黎諾懿笑言可以將重任交畀對方,并指自己只係「扶助」性質。“不過你問我會唔會想憑續集去得獎,我可以話我幾時都想,因為呢個系答謝臺前幕後工作人員嘅機會,我真系無時無刻都想攞獎,亦希望今次可以成功。”

發表回覆

你的電郵地址並不會被公開。 必要欄位標記為 *