「五十億駙馬」想離巢,入行27年畀當透明

現年49歲嘅「TVB小生」吳家樂入行27年,早年以主持工作為主,呢幾年喺戲劇方面表現得相當出色,不過咁多年嚟一直浮浮沉沉,更一度暗示想離巢,似乎心灰意冷。

皆因吳家樂曾經喺社交平臺發文指「冇價值,俾人當透明真係好冇癮」。

舊年吳家樂又喺社交平臺曬出一張自拍照,表示:「要作出一個重要嘅決定!」,似乎暗示離巢。

吳家樂多次喺社交平臺發表感言,似乎係因事業發展唔順而有感而發,但其實呢幾年以拍劇為主嘅佢,演出角色雖然戲分唔多,但卻成功令觀眾留深刻印象。

事業未算大紅大紫,但吳家樂家庭生活相當美滿,皆因佢喺2006年3月迎娶拍拖一年幾嘅其士集團太子女周蕙蕙,網民更封佢為「五十億駙馬」。

當時出席嘅圈中好友包括劉德華、汪明荃、羅家英、沈殿霞、古巨基、傅明憲、曾志偉同李珊珊等人,真係星光熠熠。

2007年大女出世,2008年龍鳳胎兒子,48歲家樂仔已經變成多仔公家樂佬,為咗照顧三個仔女,家樂仔曾經有一段時間暫停拍劇,專心做湊仔公!

卸下演員包袱,家樂仔其實係顧家好男人,佢曾經表示希望透過領養唐狗,培養3個仔嘅愛心,加埋太太周蕙蕙係SAA保護遺棄動物協會創會會員,一直致力幫助拯救流浪動物,所以家樂仔支持領養代替購買。

呢排,吳家樂更為屋企人斥資千萬,購入黃埔花園一個單位,絕對係顧家好老公,跟住落嚟,佢仲有《機場特警》、《唐人街》、《逆天奇案》三套劇陸續出街,期待佢更有挑戰嘅角色!

Like MisshkNews Facebook!不出门也能知天下事~

發佈回覆

你的電郵地址並不會被公開。