「偷食港姐」深夜飲酒慶祝，坦言物是人非

「偷食港姐」黃心穎日前喺社交平臺留言，見到佢見牙唔見眼迎接32歲生日，不過有細心嘅網民發現，今年黃心穎慶祝生日不如以前咁熱鬧！

黃心穎仲留言話：「呢個世界太瘋癲，你要比呢個世界仲瘋癲。瘋癲噉冷靜，瘋癲噉集中，瘋癲噉開心。多謝大家嘅祝福，祝大家繼續瘋癲噉健康！」

尋夜，黃心穎喺社交平臺曬出自己手握威士忌嘅相，留言話：「乾杯，多謝你哋嘅愛同鼓勵。」，睇嚟今年有唔少人隔空為佢送上生日祝福，令佢對次有所回應。

睇返黃心穎30歲生日嗰陣，當時未發生「安心偷食」單嘢前，曾經有「舊愛」馬國明、好姊妹湯洛雯、楊明、莊思明、李霖恩同朱千雪等多位藝人為佢慶祝生日。

舊年黃心穎31歲生日，就有家姐黃心美等人陪伴，直到今年相中得返自己一人，唔怪得黃心穎留言要用「瘋狂」去面對世界。

日前《堅離地愛堅離地》已經大結局，究竟係黃心穎垂死掙扎定係最後一擊望翻生，大家不妨拭目以待。