「凍齡女神」曬30年前舊相,直言人唔一定要結婚

現年53歲嘅「凍齡女神」李若彤,呢幾年愈嚟愈Fit,身材絕對唔輸畀一班後生女,成日做運動嘅佢,無論係身型定樣貌,都保持住超級好嘅狀態。

呢排,李若彤為咗新書嘅籌備,佢揾咗好多後生嗰陣拍落嘅舊相,呢日李若彤仲分享咗佢後生嗰陣嘅靚相,見到佢著住着住小背心露出小蠻腰與鎖骨,將自己完美身材展示出嚟。

李若彤留言話:「估唔到而家竟然比後生嗰陣仲要瘦,當翻出呢d舊相嗰陣,仲記得當年自己為咗賺錢去兼職拍廣告,而家應該好多人都唔知道卡式帶係乜來嘅。😁😁😁」

好多網民紛紛留言大讚李若彤,都有人留言話佢而家實在係太瘦喇,仲係當時有肉肉嘅李若彤更加得意、都有人留言話李若彤簡直就係逆生長,越生越好睇。

講到李若彤,其實李若彤感情空白期近十年,李媽媽都曾經喺節目上透露,佢唔會催婚,只係想個女開心、可以有一個愛佢、呵護佢嘅人。

李若彤喺1995年拍攝《神雕俠侶》飾演小龍女一角,成功走紅紅極一時。

之後李若彤喺1998年與商人郭應泉相戀,當時郭應泉中年離異,又面對生意失敗,李若彤喺事業如日中天嘅時候,毅然北上拍劇揾錢,與愛人同甘共苦。

2004年更應男方要求退出娛樂圈,直到2008年男方向佢提出分手,加埋當時爸爸嘅離世,令李若彤大受打擊患上抑郁症,一度想自殺。

之後喺媽咪嘅悉心照顧下,李若彤先開始行出陰霾,直到「婚照」曝光之後,令唔少網友留言希望李若彤可以早日遇到對嘅人!

Like MisshkNews Facebook!不出门也能知天下事~

發佈回覆

你的電郵地址並不會被公開。