「凍齡女神」現身深圳，牽住駱駝散步！

「凍齡女神」溫碧霞呢日現身深圳嘅景點世界之窗，出席品牌時裝表演，首次到呢到玩嘅佢，仲到動物園觀賞駱駝，期間見到駱駝食樹葉，坦言好驚喜！

之后溫碧霞又喺訓練員引導下撫摸駱駝，又拖住駱駝散步，佢話：「駱駝好得意，唔好睇佢咁大隻，原來都好溫柔同好乖，希望有機會試下騎駱駝。」

同駱駝散完步之后，溫碧霞馬上飛到北京為電影《731》試造型，表示好期待同導演趙林山同影帝張家輝、王俊凱等人合作，講到角色方面就暫時唔透露，希望到時候可以畀觀眾帶嚟驚喜。