「如花」中風癱瘓之后有好轉，感激佢哋出錢又出力

現年59歲嘅李健仁因為經常喺周星馳（星爺）嘅電影飾演「如花」呢個角色，加埋挖鼻嘅招牌動作而成為經典，「如花」呢個暱稱亦因此而來。

舊年「如花」喺深圳桑拿期間期間暈倒，送院後證實中風，右邊身體癱瘓、語言模糊，最后返香港就醫接受治療。

事隔一年，今日「如花」卒之喺社交平臺提及近況，表示呢排正在逐漸康復，仲話要多謝多位出錢出力嘅有心人，包括有古天樂同劉鑾雄太太陳凱韻（甘比）等人。

 

「如花」同時仲曬出一張同ViuTV藝員、人稱「Suzuki」李建邦，佢話：「仲有我嘅好朋友Suzuki李建邦，佢為我嘅事奔波，而演藝人協會又安排我去接受免費治療，可以遇到各位善人，係我嘅福份，我會繼續努力，盡快回到幕前同大家見面！」

講到李健仁，其實佢同周星馳係同班同學，1989年經周星馳介紹做幕後場記，後尾做攝影助理、副導演同制片等。

1992年，李健仁男扮女裝客串《武狀元蘇乞兒》，之後嘅《唐伯虎點秋香》、《國產凌凌漆》、《食神》等都令觀眾留深刻印象，觀眾更以佢喺《九品架芝麻官》角色「如花」而稱呼佢。

唔理點樣，希望「如花」李健仁佢快啲好番，努力去做不同治療，早日康復，希望佢可以繼續畀我哋帶嚟多啲更精彩噶演出，期待佢嘅表演！