「威龍潘金蓮」梁茵被曝離巢,入行10年不受捧

《愛回家之開心速遞》自從2017年年初出街以嚟,就以幽默、溫馨嘅劇情備受觀眾嘅追捧,無論口碑定係收視一直都居高不下,因此畀外界封為TVB嘅鎮臺之寶。

由於劇情集數多,又屬於一邊拍一邊播嘅類型,因此呢幾年嚟劇中有唔少配角角色彈入彈出,有唔少角色成為「失蹤人口」令觀眾都大感不舍。

由於喺劇中飾演補習天王佐治嘅張明偉,已經宣布離開劇組,因此飾演「威龍潘金蓮」梁茵嘅戲份受到好大嘅影響,觀眾一度擔心佢都會「消失」。

據悉,近日發現喺TVB官網上已經見唔到有關梁茵嘅個人資料同埋照片,加埋其實梁茵已經有幾個月冇喺劇中出現,之前已有人懷疑佢因為疑似暗撻人夫而畀雪藏。

其實呢次梁茵離巢都算係有跡可循,因為佢喺6月份嗰陣就表示自己去拍攝《野外步出2》,但最終未有歸期。直到7月份嗰陣梁茵突然間宣布轉戰大銀幕,開始為電影《水著女王》進行拍攝。

喺8月份嗰陣,梁茵曾經曬出同張明偉嘅合照,當時已有唔少網民猜測梁茵嘅去向,有人問:「係咪離開愛回家呀?」、「好鐘意睇你同George」。

其實,梁茵都算係TVB一大遺珠,皆因佢演技唔錯、人又靚女,但無奈入行10年不受捧,冇上位嘅機會。

唔理點樣,梗係希望梁茵可以有多啲工作機會,畀更多觀眾認識,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。