「小三」主動出擊,親自等TVB小生放工兼送禮

粉絲同偶像拍拖,甚至結婚,呢種情況喺娛樂圈好常見,好多夫妻都係噉開始,比如古巨基同佢老婆、劉德華同朱麗倩,因此粉絲戀上偶像其實都可以開花結果。

古巨基「恨B恨到發燒」,50歲老婆順利生產| 香港小姐新聞

所以好多女仔為咗做偶像女朋友,都會從做粉絲開始。日前「TVB小生」張景淳現身電視城,有兩位粉絲見到自己男神梗係沖動,而且佢哋送上浪漫氣球畀偶像,就連張景淳本人都好驚訝,唔知點畀反應。

原來除咗浪漫氣球之外,仲有特大禮物籃,呢位送禮女粉絲并唔係普通粉絲,而係當年介入周永恒同趙頌茹婚姻做「小三」嘅Ruby劉依靜

劉依靜目前擔任模特兒兼公關公司老板,勤送禮同明星名人打交道好正常,不過身為老板親自送到入電視城就真係好少見,手段果然同當年一樣主動進取。

講到劉依靜,其實佢係模特兒出身,2009年喺《美女廚房》出過鏡,有個花名叫做「翻版徐淑敏」,2012年加入到香港電視網絡,拍過《Night Shift》同《惡毒老人同盟》兩套電視劇。

2014年9月,劉依靜畀爆出介入「世紀渣男」周永恒同趙頌茹婚姻做「小三」。

另一方面,雖然張景淳同呂慧儀一直對外聲稱係朋友,但日前佢哋畀爆出連續幾日去呂慧儀屋企過夜,佢哋係朋友邊個會信呢?

大搞地下情嘅張景淳同呂慧儀,呂慧儀卻唔知道男友張景淳已經畀劉依靜睇啱咗。

劉依靜出咗名係積極派,曾經有記者見到佢同唐文龍拍拖,據悉劉依靜覺得唐文龍好博學,同佢有好多話題,加埋劉依靜公司有投資環保膠生意,而且唐文龍係環保人士,所以佢哋多次拍拖,不過最後未能修成正果。

而家劉依靜突然出現喺電視城,仲向張景淳送上大禮,真係粉絲行為?據悉張景淳同劉依靜無共同朋友,而且呢次劉依靜更趁著呂慧儀唔喺到主動出擊,咁樣睇嚟劉依靜真係做「小三」做上癮。

Like MisshkNews Facebook!不出门也能知天下事~

發表回覆

你的電郵地址並不會被公開。