「愛雀」失而復得,前港姐履行承諾捐二萬!

前港姐陳庭欣,身為圈中出名嘅「雀奴」,佢飼養咗三只鸚鵡當正仔女一樣痛錫有加,定時服侍進食、清潔雀巢等等,不過喺上個月尾,佢就突然間喺社交平臺公開發文尋雀,事關其中一只鸚鵡Shabushabu受驚飛走咗。

當時陳庭欣發文:「Shabushabu受驚飛走咗!出街個籠由車頂跌喺地下,受驚飛走!嘗試叫佢飛翻我身上唔成功!再次受驚飛向隔離方向走咗。」當時令唔少網民都好關心,紛紛為佢留意Shabushabu蹤影。

然而在大眾嘅幫助之下,時隔三日終于皇天不負有心人!陳庭欣又再現身社交平臺報喜,指愛雀Shabushabu已經揾返,兼夾鸚鵡身上檢查過并無受傷。

再見愛雀嘅一刻,佢甚至一度激動到落淚講唔出話:「收到電話,話有一隻藍色鸚鵡敲佢哋個窗。好多謝呢位劉小姐,我亦履行報酬承諾,但劉小姐話唔會要二萬報酬,佢希望我會捐去愛護動物協會,呢方面我會同大家交代。」

聽聞,當時尋雀心切嘅陳庭欣曾經發表酬謝,更曾經將酬金從一萬增加到二萬,而最後尋獲鸚鵡,幫手尋回鸚鵡嘅劉小姐就拒收陳庭欣嘅酬金。於是,陳庭欣就按照劉小姐嘅意思,將二萬酬金悉數全部捐畀咗愛護動物協會。

時隔半個月,今日陳庭欣又喺社交平臺曬出自己嘅捐款證明,力證自己講得出做得到,佢又留言多謝各方曾經幫助過自己嘅好友、同事、網民同街坊,令佢失而復得,而家終于可以再有機會同Shabushabu團聚!

發表回覆

你的電郵地址並不會被公開。 必要欄位標記為 *