「最Hea港姐」無懼TVB封殺,近照大曝光

張舒雅喺2008年攞到港姐冠軍,當選港姐之后就向TVB請病假,拒絕出席活動,但當時卻有時間出去同男友夜蒲,而畀網民封為「最Hea港姐」。

當年TVB大為震怒,即時封殺張舒雅出席2009年港姐決賽同為新一屆港姐加冕,成為史上第一人!

本身屋企人經營珠寶生意、家底雄厚嘅張舒雅,冇加入TVB工作,卸任港姐之后做過短時間模特兒就繼續享受人生。

張舒雅曾經講過自己從未考慮入行,參選港姐只係媽咪想佢訓練下儀態,亦都唔想咁快接手家族生意。

當選港姐之后12年嘅張舒雅好少蒲頭,只有間中喺社交平台分享近況,多數都係旅行享受人生。

呢排有記者影到張舒雅現身放狗,雖然闊別幕前多年,但張舒雅仲係保持Fit爆身材,180cm高超級長腿,唔使修圖都咁誘人。

據悉,張舒雅已經接管億萬家族生意,更進修珠寶設計,又同朋友合資開酒吧做老板。

Like MisshkNews Facebook!不出门也能知天下事~

發佈回覆

你的電郵地址並不會被公開。