「有米港姐」除Bra曬長腿引客，點知招惹戀物狂騷擾

「有米港姐」王卓淇以前喺社交平台曬出嘅相都係密密實亦好清純，直到呢幾年開始曬名牌，除Bra曬長腿引客，令王卓淇嘅社交平台短期內粉絲人數激增。

王卓淇而家有近22萬粉絲，每日勤力貼文無非為咗吸客希望有副業，而呢日出街，王卓淇白色喱士吊帶，繼續展露長腿，戴上口罩嘅佢同樣吸睛。

港姐出身嘅王卓淇，有一個喺大陸經營護膚品加工生意嘅富爸爸，屋企人喺海外有唔少物業投資，有富爸爸經濟上無限支持，令王卓淇入行之後，可以喺冇經濟壓力下拍劇。

王卓淇為咗自力更生，除咗幕前工作之外，佢更投資服裝，仲代理美容同修身產品，為咗自己做生招牌吸客，王卓淇喺社交平台經常大派福利。

近期王卓淇更玩埋腳趾誘惑，點知道招惹戀物狂騷擾，佢仲得戚自爆狂迷想出錢買佢嘅腳趾甲，極度享受被另類關注，不但未有封鎖對方帳戶，仲叫對方繼續留意自己嘅社交平台，表示不用畀錢都會有驚喜。

更激發分手四年嘅舊愛坤哥 （吳業坤） 都為佢著 迷，忍唔住喺王卓淇社交平台留言調戲，對王卓淇十分關注，爆出二人親密關係至今未斷纜。