「林峯舊愛」拍女子監獄電影,准备饰演爛口妹

呢排,人氣女星吳千語現身出席活動宴,當晚身穿露背性感短裙嘅佢,大騷「筷子腳」,性感十足,十分食睛!同場亮相嘅,仲有黃百鳴、伍詠薇、鄭嘉穎、劉心悠、林家棟等,認真系星光熠熠!

期間,受訪時,吳千語表示自己舊年拍攝咗一部以女子監獄題材嘅電影,佢又憶述拍攝時正處于炎炎夏日,由于氣溫好高,覺得好辛苦。

佢話:「加埋個監獄場景系搭建出嚟嘅,喺全密封又冇窗嘅片場度,氣溫足足高達四十度,真系好熱呀!拍嘅時候,我嘅妝就冇試過正常,不停溶妝,幾乎都系素顏上陣。」

講到喺套戲入面不乏群毆嘅戲份,吳千語笑指將自己粗魯狂野嘅一面完全釋放:「一班女人打交扯頭發,記得嗰場戲要掟碟,又要搇人,好暴力都幾巴渣!(有睇以前嘅監獄電影借鑒?)有睇《監獄風云》,都知好多年都冇呢種題材嘅電影,尤其系以女性為主,所以都好期待可以睇到。」

misshk印象中,喺九十年代港產片盛行年代,以監獄為題材嘅電影真系好多,而且差唔多每一部都成為咗經典。呢類型題材嘅電影,除咗避免唔到有打斗群毆場面,通常仲唔少得講粗口,未知喺套戲入面,平時斯文大方嘅女神吳千語,系咪都有爆粗呢?

對此,佢直言由於電影嘅級數制問題,令自己嘅角色唔可以「暢所欲言」,佢表示:「劇本都冇寫粗口。(如果要你爆粗可唔以?)得,冇所謂啦!我冇偶像包袱,平時喺情緒高漲嘅時候,我都會英文單字粗口,系好正常,唔系鬧人,只系氣發泄情緒。」

現年26歲嘅吳千語,佢原先系模特兒,后來喺2010年,因為代言品牌紙巾廣告獲得賞識,隨后獲得著名導演黃百鳴簽約旗下成為演員出道,并開始接拍戲。佢首部參演嘅電影作品系《開心魔法》,并因此獲提名第31屆香港電影金像獎,最佳新演員嘅殊榮。

近年,吳千語仍然主力拍電影,同時亦都偶然為節目擔任主持工作。

2015年嘅時候,佢擔正主演電影《王家欣》,并因此勇奪美國加州獨立電影節,杰出女主角獎,成為萬眾矚目嘅電影新星,星途無可限量。期待吳千語嘅新作上畫!

Like MisshkNews Facebook!不出门也能知天下事~

發佈回覆

你的電郵地址並不會被公開。