「歌神」大爆童年自殺經歷,試過攞菜刀…

歌神陳奕迅(Eason)不嬲係玩得之人,但其實佢細個嗰陣已經係超級百厭星,日前佢趁住母親節,拍片回憶同媽咪嘅昔日趣事,佢仲喺社交平臺曬出片段(文章最後有視頻)。

其中陳奕迅提到細個嗰陣成日扭計,曾經因為扭計買玩具而出口鬧媽咪,對媽咪態度極差,但媽咪都只係以「冇你咁好氣」、「費事死細胞」等金句輕松應對,唔單止冇怪陳奕迅,反而仲好擔心其他人對佢唔好。

陳奕迅又自爆六、七歲嗰陣,有次做錯嘢畀媽咪追打,佢竟然激到攞菜刀架住條頸,威脅媽咪:「你再打我,我就自殺!」

陳奕迅坦言依家諗番起都覺得自己好曳,仲話:「真係想講一句生舊叉燒好過生你,感激媽咪一直包容自己。」

Like MisshkNews Facebook!不出门也能知天下事~

發表回覆

你的電郵地址並不會被公開。