「港獨豪」愛國累事,搞到廣告商刪貼避風頭

周柏豪喺舊年7月份「反修例」運動期間,因為公開喺社交平臺呼吁香港人登記做選民而令大陸網民不滿,指責佢係「港獨豪」,更令工作大受影響,但當時卻得到香港網民力撐。

不過日前周柏豪突然喺社交平臺曬出一張攬住囡囡嘅相,更表示「要感激自己身為一個中國人,生活喺一個為抗疫而上下一心嘅國家」,言論一出馬上引起大批香港網民圍插。

周柏豪突然轉軚,除咗畀香港網民瘋狂狙擊之外,更搞到廣告商刪貼避風頭,皆因佢代言嘅口罩商似乎好驚得罪網民,將所有有關周柏豪嘅帖文一次過刪曬。

網民更涌入呢個口罩商社交平臺留言講明唔會幫襯,表示:「周柏豪咁自豪係中國人,你自己用爆去啦,拜拜」、「愛國偽人代言,見到都唔想用」、「中國豪口罩」等。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *