「火爆」浸溫泉引人無線遐想 90后模特寫真與前港姐撞泳衣

張沛樂(沙律)同趙詠瑤(Kimi)今年推出寫真游記《閨蜜游記 臺灣篇》,之前好多唔同造型,如睡衣、底衫、民族衫,甚至可愛小云Cosplay Look已經陸續登場,當中一輯浸溫泉相,佢哋視為秘密武器,因為系兩姊妹火爆自拍,尺度最為大膽。

有媒體就攞其中幾張相,見沙律同Kimi一絲不掛,肉帛相見相視對望,白滑玉背,令人有無限遐想。Kimi話:「我哋去咗一個星期,其中有兩日系浸溫泉,點知其中一間系有伏嘅,話系泥漿浴,點知變咗泥漿面膜,仲要好似擺咗好耐無人用,所以都幾難忘。」

沙律就話:「好彩另一間酒店有好多私人風呂,我哋book咗其中一間,兩個女仔自己影相,其實火爆攞住部相機行嚟行去都有啲尷尬,但慣咗都玩得好開心。女仔之間冇乜所謂,最緊要唔好有走光相,有都刪喇。」

對于被指寫真集內與楊思琦撞同款白色一件泳衣,沙律大方表示唔介意,佢話:「Kimi幫手啦喺淘寶訂咗兩件泳衣,有鋼線嗰件我著唔到,但白色嗰件就好fit。

唔知今年好多人出寫真,見楊思琦寫真報道,我一眼就認出系同一件,但好難比較,唔少朋友都話要揀都揀楊思琦啦,我都覺得佢嗰張拍得更加好睇。」有指沙律同思琦年齡相差14年,沙律話:「人哋要過都冇得講,自己唔會比,只系簡單,覺得撞泳衣好攪笑。加埋好難比較,兩張相野都唔同。」

Like MisshkNews Facebook!不出门也能知天下事~

發佈回覆

你的電郵地址並不會被公開。