日前，港姐准決賽「爆粗港姐」梁允瑜未能晉身總決賽，佢受訪嗰陣話乜內幕、明爭暗斗都會講，佢更坦言冇諗過會畀人淘汰，自覺輸喺太多負面新聞同太敢言。
記者問到梁允瑜有冇後悔拍過粗口片？佢話：「條片唔係我拍，係我朋友錄嘅，當時畀男友揭露咗一啲屋企嘅醜聞，家境唔好嘅嘢，佢仲將呢啲嘢話畀我嘅朋友知，當時我曾經試過自殺。」
梁允瑜仲話：「依家輸咗，如果有人想用呢樣嘢嚟攻擊我已經冇用，我亦可以做番自己，可以講番正宗廣東話同埋食魚蛋，之後想去旅行沉澱一下，或者繼續進修碩士。」
記者講到既然自覺表現好，但最後冇得留低，係咪覺得賽制不公？梁允瑜話：「我唔會話賽制唔公平，只係覺得呢個賽制唔適合我，香港小姐亦唔應該只得一個形象。」
Like MisshkNews Facebook！不出门也能知天下事～
