「翻版古天樂」老婆懷孕8個月,竟然仲偷食姣精港姐

舊年四月份,前港姐黃心穎同許志安因為「安心偷食」單嘢形象受損,工作全部畀叫停,兩個人星途盡毀,但依然有藝人對呢種行為學習。

日前,被譽為「TVB發電機」嘅落選港姐朱智賢,暗搭有「翻版古天樂」之稱嘅人夫黎振燁,二人喺《食腦喪B》中飾演情侶,有傳佢哋因為拍劇而日久生情、戲假情真,兩個人喺屯門畀發現喺車廂内偷食。

佢哋到山上蜜會,黎振燁買咗兩個蛋糕,同朱智賢喺車廂後座甜蜜喂食蛋糕,當佢哋被撞破之後即時失魂擋面,黎振燁即大嗌我哋冇一齊,只係做嘢。

據悉,黎振燁同朱智賢喺《食腦喪B》飾演情侶期間,已經表現得親昵曖昧,更有指佢哋試過喺外景場地離奇失蹤兩個鐘,要工作人員發尋人啟事。

朱智賢已經唔係第一次傳出緋聞,入行前佢係做空姐,喺參選港姐嗰陣已經有一位餐廳男友,但遇上太子爺謝東閔之後,佢快手飛起餐廳男友,一心一意等做謝太,拍拖半年已經催婚。

而黎振燁喺2016年參選香港先生嘅時候,已經表明同初戀情人L小姐早喺2015年結婚,目前太太懷孕8個月,估唔到黎太臨盆在即,佢就孭住老婆偷食。

黎振燁同朱智賢畀曝光車內偷食之後,齊齊玩失蹤,TVB知道呢件事之後大為震怒,并落咗封口令,朱智賢ig亦轉為私人賬號。

至於黎振燁就不停回避記者,事敗之後佢已經火速清空其社交平台嘅內容,刪除同朱智賢嘅合照,原本佢要出席《機場特警》嘅宣傳活動,但就臨時缺席。

朱智賢唔單止出軌人夫,而且自己仲有一個穩定男友,不過因為呢件事,佢對外宣稱其實只係單身,同對方係朋友關係。

呢單嘢無疑係將綠帽子戴到謝東閔頭上,唔怪得被譽為「黃心穎3.0」。

Like MisshkNews Facebook!不出门也能知天下事~

發表回覆

你的電郵地址並不會被公開。