「老牛吃嫩草」,冇戒指唔擺酒從簡迎娶細30歲大陸妹?

現年59歲金像獎名導演陳嘉上,舊年被爆出與現年29歲內地女星夏沫僑蜜運,女方嚟港陪佢四出游覽,感情相當穩定,雖然相差30歲,但系無礙二人感情發展,舊年陳嘉上受訪已表示與夏沫僑拍拖一段時間,感恩現狀同好珍惜。

事隔一年,感情再度升華,日前二人喺香港正式入紙排期注冊結婚,擬定結婚通知書曝光,佢哋報稱居住九龍塘同一地址,相信已經達同居嘅甜蜜階段。

陳嘉上受訪時稱未婚妻夏沫僑原名張莉,傾到入紙排期注冊,佢開心噉話:“其實同佢拍拖幾年時間,都應該系時候啦!”(問到求婚過程?)佢笑言:”冇呀,你知啦,我好忙,而家都搞緊劇本籌備緊電影,乜都冇。(有冇鉆石戒指、自制戒指?)都冇。(香港擺婚宴?)唔會,一切從簡啦!”

至於點解喺香港注冊,陳嘉上話:“冇特別原因,始終我喺香港出世,所以想喺香港結婚,多謝大家祝福,雙方家人都知道婚訊。”佢又大贊未婚妻善良:“佢真系了解我,我成日因為工作唔可以喺佢身邊陪佢,佢都好包容我、好了解我。”至於系咪雙喜臨門?佢未有否認,只開心表示:「哈哈,唔講住喇!”,默認喜訊。

夏沫僑于1990年喺四川出世,畢業于河北傳媒大學,醉心演藝事業嘅佢,于2011年喺機緣巧合下,成功獲取錄接拍由陳嘉上執導嘅電影《畫壁》、《四大名捕》系列而為人認識。

佢有參演劇集包括《真愛謊言》、《我家有個趙大咪》、《大秦帝國》同香港導演馬偉豪作品《蝴蝶公墓》等,個樣清純嘅佢憑鄰家女孩氣質受歡迎。

至於有過一段婚姻嘅陳嘉上喺1990年執導電影《小男人周記2錯在新宿》嘅時候,結識有份參演嘅前港姐陳慧儀,隨之相戀并于1994年結婚,喺1997年離婚收科。

 

Like MisshkNews Facebook!不出门也能知天下事~

發佈回覆

你的電郵地址並不會被公開。