「落選港姐」一邊發明星夢,一邊從頭學做珠寶生意

日前,TVB熱播劇集《C9特工》一連20集終於播完,除咗劇中男女主角好搶鏡之外,仲有「落選港姐」簡淑兒喺劇中化身完美女神形象出鏡獲得觀眾一致好評。

講到簡淑兒,其實佢自細就跟住屋企人移民美國,父母係珠寶商人,回流香港之后曾經入住西九龍豪宅凱旋門,佢一直網民指係千金小姐。

對于被指係千金小姐,簡淑兒多次笑住否認,佢表示父母喺美國做珠寶小生意,仲話自己同屋企人財政獨立。

入行初期嘅簡淑兒,因為樣貌唔算出眾,所以被安排做娛樂新聞主持,後尾經過「大進化」變成仙氣女神之后全力殺入劇組,當年佢喺《愛回家》飾演可愛秘書人氣急升。

簡淑兒自從舊年簽約做「TVB親生女」之后更加係劇接劇冇停手,佢仲有《踩過2》同《一笑渡凡間》兩部劇未出街,一直畀視作「花樽」嘅佢,睇嚟開始備受TVB重用。

對此,簡淑兒嘅富貴父母開始有微言,皆因當初父母畀佢返嚟參加港姐,只係為咗磨煉,吸收經驗,無奈簡淑兒入行7年依然係零代表作。

據悉,簡家其實有兩個仔女,不過唔係人人有興趣、有天分繼承珠寶生意,因為簡淑兒喺美國讀過藝術設計,佢父母覺得佢有潛力做珠寶,想佢翻屋企幫手,簡淑兒梗係明白父母係為她好。

簡淑兒為咗可以繼續拍劇,佢應承屋企人會從頭學做珠寶生意,寧愿辛苦兩邊兼顧,如果再過多幾年演藝事業真係毫無起色,佢就會返公司繼承家業。

簡淑兒呢排唔使拍劇嗰陣,都會返珠寶公司寫字樓,佢每次都會逗留幾個鐘,有需要嘅時候亦會實地巡視分店業務,從低做起。

其實,簡淑兒嘅父母一早將珠寶公司做得有聲有色,成立28年除咗香港嘅零售業務同出口生意之外,2009年更喺香港創建咗珠寶品牌Dazzle,呢幾年更由簡淑兒擔任代言人,成為珠寶店嘅御用生招牌。

唔理點樣,都係希望簡淑兒喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。