「落選港姐」備受TVB力捧,竟然想退出娛樂圈

「落選港姐」蔡嘉欣備受TVB力捧,工作量遠超同屆3甲,加入TVB短短一年,已經極速獲力捧劇集同綜藝節目兩邊走,除咗主持節目《姊妹淘》之外。

呢排蔡嘉欣更參與拍攝劇集《飛虎之壯志英雄》、《智能愛(AI)人》、《金宵大廈2》。雖然星途睇似一帆風順,但其實佢深受是非困擾,更畀網民封為「惹火港姐」。

蔡嘉欣無奈話:「一開始選港姐有咁多負面新聞真係好唔開心,好大壓力,當時食極都唔肥,反而愈食愈瘦。但入行之后變得佛系,控制唔到嘅嘢就唔去諗,只要問心無愧就得。」

蔡嘉欣更主動重提被指拜金搭上現任富貴男友,而狠飛拍拖幾年嘅「TVB小生」吳子沖,佢話:「首先呢個唔係事實,其實我係畀飛嗰個,當時失戀咗大半年先認識到依家嘅男朋友,但唔知點解變咗我為錢飛人,又話因為有第三者。」

面對種種是非,蔡嘉欣坦言一度有退出娛樂圈嘅念頭,但因為唔認輸嘅性格而決定堅持到底,佢希望之后盡量唔好有負面新聞就夠啦!

另外,身為做戲初哥嘅蔡嘉欣事前做足功課,以免「佗衰家」,佢更揚言無為自己設下性感底線,而且如果角色需要,我覺得唔介意,可以去到好盡。

今年先27歲嘅蔡嘉欣,正處于自己事業發展嘅黃金時期,相信佢嘅事業發展得越嚟越好,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。