「落選港姐」前路茫茫,疊埋心水求解約

舊年「落選港姐」廖慧儀原本備受力捧TVB,但因為舊愛Sam墮樓身亡之後,令佢幕前工作全面煞停,所以佢疊埋心水求解約,專心教瑜伽保錢途。

 其實廖慧儀由報名到五強止步話題不斷,但其爽直嘅性格深得網民欣賞,一度畀睇好做「翻版馮盈盈」。

所以廖慧儀同TVB簽約后,有傳佢會加入節目《#後生仔傾吓偈》,甚至獲重用安排入《娛樂新聞臺》做主播,佢亦決意喺娛樂圈大展拳腳!

但自從舊年10月廖慧儀畀爆搭上「後生仔」孔德賢之后,啱啱起步嘅演藝事業急轉直下、跌入谷底。

 加埋廖慧儀宣佈同當時圈外男友Sam分手,之后舊愛疑似頂唔住情困選擇輕生,佢即成「箭靶」受盡千夫所指,無奈畀TVB暫停幕前工作。

期間廖慧儀多次「試水溫」蒲頭,依然繼續畀插爆,眼見復出無期、前路茫茫、心灰意冷嘅佢決定鋪定後路,疊埋心水發展瑜伽事業。

5月尾,廖慧儀仲喺上環開設中心開班授徒,同時又用自己嘅知名度做生招牌吸客,所以呢排傳出佢計劃同TVB解約,希望早日回復自由身。

Like MisshkNews Facebook!不出门也能知天下事~

發佈回覆

你的電郵地址並不會被公開。