大部分應屆港姐已經簽約TVB成為旗下藝員，當中包括港姐三甲冠軍謝嘉怡、亞軍陳楨怡、季軍郭柏妍，仲有落選港姐廖慧儀、何孟珊等。
估唔到「落選港姐」黃婉恩為咗發明星夢，佢更辭咗銀行筍工，仲曬出多張派散水餅嘅相，多謝一班同事照顧咗自己3年咁耐，更公佈已經加入TVB呢一個大家庭。
黃婉恩話：「今日係我last day，我會好掛住你哋，好多謝呢三年，大家好似屋企人。宜家我要追求自己嘅夢想。」網民亦送上祝福，希望可以快啲喺電視見到佢！ 
講到黃婉恩，其實佢同時下港女一樣，鐘意名牌，鐘意周遊列國，坐遊艇出海等，過住上等人生活，而且佢仲係甫士王，佢經常影相放喺IG晒火辣身材。
唔理點樣，都係希望黃婉恩喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
