「邪花」借拍劇主動近TVB小生,可能…

TVB小生羅仲謙同太太楊怡喺2016年結婚,兩個人計劃結婚之後努力造人,但因為羅仲謙成日要北上做嘢,所以計劃一直未能成真。

羅仲謙喺今年8月回巢拍TVB電視劇,同太太楊怡繼續實行造人大計,自從羅仲謙與楊怡結婚之後,與緋聞幾乎劃清界線。

呢排有報道指羅仲謙拍攝TVB新劇《木棘證人》,畀劇中飾演女友嘅「TVB小花」張秀文主動出擊,報道又指張秀文經常借故親近,冇因為羅仲謙已經係人夫而有所避忌,好彩羅仲謙未畀動搖。

據悉,楊怡喺TVB拍劇咁多年,一早有唔少線眼,當佢聽到呢啲閑言之後,有人曾經表示見過楊怡去探班,報道仲講楊怡依然尋求生仔秘方,保持睇醫生調理身體,實行中西合璧,希望早日一擊即中。

呢排楊怡回復傳媒話:“我冇睇到呢個報道呀,我梗係信自己老公啦,呢啲都係花邊新聞嚟嘅,最緊要大家拍劇順利開心!”

到截稿為止張秀文就暫時未有回復。

發表回覆

你的電郵地址並不會被公開。 必要欄位標記為 *