「邵氏花旦」初吻獻給張國榮,而家離婚做女強人

TVB熱播劇集《黃金有罪》自從出街以嚟口碑不俗,劇情引人入勝之余,演員嘅陣容更加係強勁,其中飾演姚子羚、陳瀅媽咪嘅文雪兒都好出彩,其實佢40年前已經係「邵氏花旦」。

現年59歲嘅文雪兒原名叫張惠英,出身于演藝世家,佢老竇係山東京劇演員,到咗香港就做粵劇武師,所以文雪兒跟住老竇自細習武,練得一身好武藝。

當年文雪兒仲未夠16歲就加入咗邵氏,備受力捧,同米雪、李通明稱為佳視三寶,年紀細細已經係邵氏武俠片嘅首選花旦。

後尾文雪兒加盟到麗的電視,繼續受到重用,1978年同哥哥張國榮喺《浣花洗劍錄》飾演嘅螢幕情侶最為經典,文雪兒嘅銀幕初吻送咗畀張國榮。

雖然文雪兒同張國榮係螢幕情侶,但私底兩個人并擦出愛的火花,佢喺自己最紅嗰陣選擇嫁人息影,但係可惜後來婚姻破裂離婚收科。

文雪兒從此帶住兩個女從零開始,離婚之後三餐不保,前夫又唔按時畀撫養費,堅強獨立嘅文雪兒心諗何必諗人哋幾時畀,不如自己搵錢,所以其實喺《黃金有罪》呢部劇集里面,佢都算係本色出演。

所以文雪兒帶住大女Christy同細女Jennifier生活,自己開創咗連鎖美甲店嘅事業,佢自言最高紀錄嗰陣開咗16家連鎖店,呢位女強人自己搵錢供養女去英國讀大學。

文雪兒對兩個女好有要求,從細叫佢哋要多讀書,都要佢哋有自己嘅本事,將自己裝備到最好,為人唔可以不切實際,唔好諗住做富二代,唔係自己嘅嘢千祈唔好貪心。

喺文雪兒嘅教導下兩個女都好生性,大女Christy更加喺英國倫敦大學學院嘅土木工程系碩士畢業,有土木工程師牌,細女即將傳媒系畢業,都好爭氣。

而呢年嚟文雪兒可能因為戲癮重,加埋個女嘅鼓勵,佢決定重操舊業重返幕前,同TVB簽咗兩年合約,唔理點樣,都係希望文雪兒喺之後嘅事業上可以有所成就,期待佢嘅表演!

發表回覆

你的電郵地址並不會被公開。