「香港小姐2019」港姐十強誕生，大熱佳麗爆冷落選

《2019香港小姐競選》十五位佳麗經過一個幾月訓練之後，今日舉行「決賽佳麗誕生」記者會，十五位佳麗逐一演繹自選才藝同接受考核，最後喺「香港小姐評審會」現場評分聯同big big fun觀眾投票結果，十強佳麗正式誕生！

包括（1）黃嘉雯、（2）蔡嘉欣、（3）梁敏巧、（4）姚㦤芠、（5）王菲、（6）陳熙蕊、（7）楊詠彤、（8）古佩玲、（9）廖倬竩及（10）謝采芝。

而江雨婷、吳玥彤、黃詠柔、楊慧敏、姚羽嘉就被淘汰，未能入圍。

大會公布評分準則，「香港小姐評審會」同big big fun觀眾投票結果係基本準則，另外加入十五位佳麗互相投票，喺互投環節中姚羽嘉與王菲同分，但喺基本準則中姚羽嘉嘅排名低于王菲，所以姚羽嘉最後畀淘汰。

喺公布十強嘅時候，唔少入圍佳麗都眼紅紅，甚至忍唔住喊起上嚟，其中以楊詠彤喊得最犀利。

古佩玲同梁敏巧都有喊。