「黃心穎2.0」TVB又出事,“最黑仔”非佢莫屬啦!

繼黃心穎畀爆偷食人夫許志安之後,TVB又出事,尋日傳媒突然間爆料姚子羚同夜店董事Raymond秘戀8個月!TVB花旦姚子羚舊年3月同有米男友「的士邦」鄭子邦分手之後,一直處于空窗期。

其實如果系正常拍拖都無可厚非,但偏偏Raymond唔單止被曝結咗婚八年,佢太太混血模特蔡宛珊(Sarika)仲同姚子羚系好朋友,而且呢段戀情仲疑似系“四角戀”、姚子羚系“三奶”。
除此之外,又爆出多張姚子羚同Raymond嘅親密合照,甚至仲有床上。

一時間網友紛紛彈佢系“黃心穎2.0”!

上午啱啱被曝陷入“四角戀”,下午姚子羚就主動回應:

佢識Raymond時,對方已經分居,而家已經滿兩年(通常分居滿兩年可以作為離婚嘅一個條件),前妻Sarika亦知道佢哋二個人拍拖。

佢哋而家系朋友關系,唔存在搶人老公呢個講法:

至于“四角戀”嘅講法,有報道稱姚子羚發現二個人之間仲有一個“第三者”,都系“二奶”,姚子羚喺發現呢件事時就提出咗分手。

加埋姚子羚承認二個人拍拖半年至8個月,但Sarika今年1月先正式攪掂離婚手續,所以兩個人拍拖嘅時候,Raymond仲同前妻有關系,睇嚟姚子羚又遇人不淑?畀”小三“之後,仲畀爆咗親密相?

喺采訪中姚子羚對傳媒嘅問題一一答,冇指責任何一方,一時間姚子羚嘅“三奶”身份瞬間反轉成受害者。

而另一邊Raymond就否認佢流出親密相:“我哋(同姚子羚)喺埋一齊嘅時候,已經同太太分開咗,d相流出一定唔系我send出去,其他唔想再多講,唔想越描越黑,已經分居兩年,我系單身,拍拖都好正常,又唔系咩唔見得光。”

一路姚子羚表示自己唔知情,好驚訝會流出噉嘅相,另一邊男方又極力噉否認,好一出“羅生門”,不過話時話,女生們真系要保護好自己。

之前受「安樂偷食」嘅影響,《堅離地愛堅離地》畀抽起、《牛下女高音》女主由江嘉敏頂上,原本系今年“劇霸”嘅張振朗兩部劇都受影響。

一波未平一波又起,2017年開拍嘅《包青天再起風云》,張振朗飾演展昭,姚子羚飾演包拯老婆,如果今次再因為緋聞變陣,噉樣張振朗第三套“當衰”嘅劇集啦。

發表回覆

你的電郵地址並不會被公開。 必要欄位標記為 *