「黑社會大佬」兒子被曝低調娶妻:已經同女友喺意大利舉行秘密婚禮

據悉向華強兒子向佐被曝,日前已經與未婚妻臺灣女星郭碧婷,喺意大利卡布里島舉行秘密婚禮,事關向佐同老竇向華強一樣生肖屬鼠,所以希望趕喺今年完婚後開始造人大計,趕住生鼠年BB。

消息指,臺灣著名男歌手蕭敬騰有份獲邀出席向佐同郭碧婷嘅婚禮,而網上又傳出疑似係一對新人與婚宴現場工作人員嘅合照。

另外,更有疑似婚宴菜單曝光,上面清晰可見印有「B&J」同「Bea&Jacky」(向佐同郭碧婷嘅英文名),亦隱約可見時間一欄寫住9月9日。

直到misshk截稿先,向佐同郭碧婷兩位當事人仍然未公開回應秘密完婚一事,不過大批網民已經紛紛喺網上留言,向一對新人送上祝福!

唔理點樣,都係祝福向佐同郭碧婷新婚快樂,希望如願所償造人誕下鼠年寶寶,恭喜恭喜!

發表回覆

你的電郵地址並不會被公開。 必要欄位標記為 *