「40億千金」參選港姐畀起底，家族背景嚇死人！

《2020香港小姐競選》日前（6月30日）喺TVB電視城舉行首輪面試，一眾佳麗亦親身到場見評審同傳媒，當中候選佳麗蔡頌思畀網民畀起底，「40億千金」家族背景嚇死人！

自從網民爆出蔡頌思為「40億千金」之後，背景迅速畀起底，原來佢係已故「海產大王」蔡繼有嘅孫女。

熱心公益事業嘅蔡繼有分別就喺香港、澳門同大陸多間大學、大專院校同中小學捐建教育基金，爸爸蔡冠深更加係全國政協常委、香港新華集團主席同香港中華總商會會長，蔡頌思嘅背景認真驚人。

蔡頌思喺港姐節目自我介紹嘅時候，表示喺中大英文系畢業，并精通法文，雖然身高得一米57，無損選美決心。對於「40億千金」呢個稱號，蔡頌思好尷尬話：「數字方面，我唔係好清楚。」

其實上蔡頌思除咗有高學歷同驚人家底之外，對演藝工作一直都有興趣并積極參與。佢曾經喺2019年賀歲片《家和萬事驚》參與演出，更加同前港姐袁詠儀搭過戲。

蔡頌思除咗電影《家和萬事驚》之外，佢亦曾經參與過唔少廣告同舞臺劇演出，包括歌舞劇《利瑪竇》、香港話劇團《塵上不囂》等。