「TVB七魔女」重聚慶祝生日，10萬紅酒全部飲曬

日前係前「TVB小花」鍾麗淇嘅43歲生日，佘詩曼當然抽時間同鐘麗淇慶祝，除咗佘詩曼之外，其余「TVB七魔女」成員包括湯盈盈、文頌嫻、姚樂怡等人，就連曾志偉都有現身，場面十分熱鬧！

只見佘詩曼攬住鍾麗淇頭貼頭合照，仲以英文留言：「希望你生日同你一樣都係咁特別，祝你人生一切美好，兼夾希望你每日過得開心，親愛的，生日快樂。」

不過唔少網友就將焦點擺喺佘詩曼曬出嘅靚酒上，見到支支都係價值不菲嘅靚酒，估計咁酒水超過十萬，真係飲得好盡興！

另外，鍾麗淇同一班女性朋友影大合照時，同樣係「TVB七魔女」成員嘅梁靖琪，雖然粗身大細但都有現身，咁多人同鍾麗淇慶祝，果然人緣好到爆呀！