「TVB不老男神」迎娶港姐女友，平安夜曬甜蜜婚紗相

日前，「TVB不老男神」袁文杰同港姐女友張潔蓮正式拉埋天窗，現年51歲嘅袁文杰同拍拖9年44歲女友張潔蓮喺平安夜高調公布喜訊！

見到佢哋喺IG發放多張婚照，新郎新娘流露幸福，隔著屏幕都可以感受到好甜蜜。袁文杰留言話：「一生一世嘅承諾：守護、包容、不離不棄、終生相伴！Jackeline＆Andrew喺埋一齊啦！」

袁文杰同張潔蓮原定2年前結婚，但袁母因病過生，袁文杰因為傷痛所以將婚事押后，不過到今年尾，袁文杰終於宣布會同女友結婚。

然而因為受到疫情影響，袁文杰同張潔蓮只可以低調進行婚事，仲透露簽名儀式只安排屋企人出席觀禮，一切以簡單為主，等疫情緩和后會設宴，同一班親朋好友慶祝。

原來佢哋已經低調舉行婚禮，袁文杰向傳媒表示，會等到疫情緩和之后補度蜜月，好彩太太都有共識，第日再度蜜月都冇所謂，而袁文杰透露有意同老婆去冰島旅行。

唔理點樣，宜家見到袁文杰同張潔蓮咁幸福，真係替佢哋開心，祝福你哋永遠幸福快樂喔。