「TVB宅男女神」傳出新戀情,終于有拖拍

年頭麥大力正式簽約成為TVB藝人之后,馬上就同應屆港姐冠軍謝嘉怡拍新劇《雙生陌生人》,事業得意之餘,愛情同樣開始萌芽!

呢日,有消息指出麥大力宜家同有「TVB宅男女神」之稱嘅簡淑兒拍拖。

皆因,現年35歲嘅麥大力同31歲簡淑兒畀影到喺街頭煙韌,十指緊扣,期間麥大力仲從后面熊抱簡淑兒,情到濃時唔理喺室外錫錫,認真好甜蜜。

據悉麥大力同簡淑兒因為拍攝綜藝節目《SUPER FIVE》而相識,節目拍攝完之后,佢哋仲保持聯絡,而且經常見面,感情愈嚟愈好。

另外簡淑兒同好姊妹陳婉衡一齊潛水嗰陣,麥大力都有現身,佢哋志趣相投,所以傳出已經拍拖兩個月。

事後記者聯繫陳婉衡,佢話:「佢嘅嘢等佢自己嚟回應番啦!最緊要佢開心,無論做啲乜事都撐佢,都祝福佢!」

 

Like MisshkNews Facebook!不出门也能知天下事~

發佈回覆

你的電郵地址並不會被公開。