「TVB宅男女神」否認好事近,網民紛紛留言…

呢排,有報導指出「TVB宅男女神」吳千語同「百億富三代」男友施伯雄感情穩定、好事近,并準備出年結婚,消息一出唔少網民對吳千語嘅婚事都零舍關心。

消息更指出施伯雄舊年年尾豪擲3340萬買傲瀧豪宅做愛巢,而吳千語現時嘅座駕係以佢真名“吳欣容”登記,登記地址更加係施伯雄嘅豪宅,施伯雄真係對吳千語相當照顧。

然而,對于畀傳出出年就要同「百億富三代」結婚嘅報道,吳千語尋日就主動喺社交平臺發文回應呢件事,佢表示「對婚姻,我希望順其自然,對的時間做對的事情,才幸福」

現年27歲嘅吳千語,佢同前「TVB小生」林峯喺2017年分手之後,正式結束5年情,各自又搵咗另一半,林峯更喺舊年火速同張馨月登記結婚,今年有傳張馨月已經有喜。

而吳千語同施伯雄嘅關係可謂一波三折,先係高調拍拖,早喺2017年9月佢仲冇宣佈同林峯分手嗰陣,就已經坐上男方大髀,融入男友嘅圈子。

但冇過幾耐之後,吳千語同施伯雄嘅關係出現裂痕,吳千語喺舊年4月份接受采訪時更加係回應自己係單身。

點知又冇過幾耐,吳千語同施伯雄畀爆靜英英復合,期間日前吳千語同友人聚餐,開嘅豪車仲係施伯雄家族名下嘅,唔知佢哋幾時先可以拉埋天窗呢?

Like MisshkNews Facebook!不出门也能知天下事~

發佈回覆

你的電郵地址並不會被公開。