「TVB宅男女神」挨身挨勢亂入愛回家,搞到…

TVB熱播劇集《愛回家之開心速遞》經常會搵嚟藝員客串,尋日就搵嚟「TVB宅男女神」孫慧雪亂入愛回家,佢喺劇中飾演麻煩富家女「朱茜」。

劇情講到Terry同KC約咗孫慧雪傾生意,點知孫慧雪原來好難服侍,咁啱佢邂逅上阿John仲要一見鐘情,要挾KC介紹佢識作為交易條件!

孫慧雪喺劇中盡展姣功,見到阿John嗰陣心花怒放,仲要誘惑對方挨身挨勢,嗲到爆!

另外孫慧雪又喺社交平臺合照,留言話:「好好玩!希望下次玩過♥️」網民都大讚佢做得好好,「希望繼續有雪雪」、「好攪笑😂」。

講到孫慧雪,其實佢喺2006年入讀TVB藝員訓練班之後入行,當年佢擔任《美女廚房》助手,係元祖級嘅美女助手,由于佢哋嘅打扮可愛,深得到網友喜愛,有時甚至蓋過主持同嘉賓們嘅風頭。

雖然孫慧雪喺2006年就加入TVB,而且有觀眾緣,不過一直以嚟佢就只擔任唔起眼嘅角色同綜藝節目嘅助手,譬如《一擲千金》、《志云飯局》節目入面嘅千金小姐同助手。

可能入行多年未能上位,孫慧雪喺2009年自己開時裝店賣女裝,後來更開首飾店賣自家制嘅干花手飾,佢仲做YouTuber拍片分享生活點滴。

喺2016年,孫慧雪首次喺劇集《純熟意外》擔任重要角色楊言愛,因為表現出色而備受好評,更得到吳啟華公開贊賞,同年佢喺劇集《三個女人一個「因」》里首度擔任第二女主角。

雖然喺拍劇方面有突破,但孫慧雪喺網上平臺同出寫真等回響更大,佢喺2016年為紀念入行十年,發行首本寫真集《Once》,佢即獲網友大贊,自此就一直成為網友嘅寵兒,畀佢哋稱為雪雪BB。

2019年,孫慧雪喺書展中推出第一本寫真散文集《那個愿沒有圓》,分享童年往事、生活感受同演藝經歷,同時又發售另一本寫相集《私圖》,全力發放福利圖。

對比孫慧雪嘅演藝生涯,難免會令人覺得佢係靠外表同性感彈起,反而拍劇方面卻一直無機會,可能係因為甜美形象限制咗佢。

呢排疫情嚴重,社交平臺興起唔同類型嘅Challenge,孫慧雪都曬出內衣相大玩比堅尼Challenge,噴血程度完全唔輸妙齡僆妹!

唔理點樣,都係希望孫慧雪喺之後嘅事業上可以有所成就,期待佢嘅表演,加油。

Like MisshkNews Facebook!不出门也能知天下事~

發佈回覆

你的電郵地址並不會被公開。