「TVB宅男女神」自爆流產,喺陣痛中度過

「TVB宅男女神」林芊妤日前喺社交平台發文:「呢幾日一直喺陣痛同流血中度過,啱啱發現佗B就自然流產。」仲話覺得好似坐過山車,因為有期待所以會失落。

林芊妤直言流產之后主要係真嘅痛同埋好攰,但依然係樂觀堅強,其實我想講嘅係,反正過咗就會好,俗語話上天自有安排。

最后林芊妤表示,要盡快恢復元氣同仔仔翟德彥享受剩下嘅復活節假期,仲曬出攤喺仔仔腿上嘅片段。網民紛紛留言打氣!

講到林芊妤,不得不講佢喺2014年因為「殘廁事件」轟動全城,當時林芊妤同富二代林知譽同游,後來兩個人一齊進入傷殘廁所近半個鐘,更被記者錄得令人想入非非嘅細語呻吟聲同撞撃聲。

單嘢發生之後,林芊妤形象一度插水,畀污名化「淫賤」、「釣金龜」等負面形象,受盡廣大網友熱論,更畀TVB正式解約,斷送大好前途。

不過憑借一副好身材以及瑜伽教學,近年嚟林芊妤發展都唔錯,甚至圈內女星都會搵佢設計修身課程,之前要產後瘦身嘅胡杏兒就曾經幫襯過佢,效果大家都睇得到!

除此之外,林芊妤感情上都揾到真命天子,仲有埋自己嘅愛情結晶,宜家見到林芊妤一家三口咁幸福,真係替佢哋開心,祝福你哋永遠幸福快樂。

Like MisshkNews Facebook!不出门也能知天下事~

發佈回覆

你的電郵地址並不會被公開。