「TVB宅男女神」開班教健身,點知道學生全部都係麻甩佬

「TVB宅男女神」陳婉衡(Alycia)出名身材火辣,鐘意健身嘅佢自從考到健身教練牌,佢上個月就開始喺陳庭欣男朋友楊振源投資嘅健身室「掛牌」做星級導師,陳婉衡一個星期開一堂教大家做核心肌肉訓練!

自從陳婉衡開班消息一傳出,馬上惹來大批男學生搶住上堂,加埋健身室大酬賓,試玩價只需88蚊,真係相當抵玩,唔怪得每堂廿個名額秒速畀Book爆,就連準事頭婆陳庭欣都喺社交平臺大呻:「Full到連我都冇位上堂。」

陳婉衡接受採訪時就透露:「其實我4月就開始教,教咗幾堂Gym room就停咗,初初都比較多男仔,自己都有少少意想唔到,去到後尾都先多番女仔,都有3、4成係女仔。」

問男學生有無專心上堂?陳婉衡話:「大家都好乖,好認真去上,但初初教Group Class未搵到個平衡點,可能就比較辛苦啲,好多同學仔初初唔係咁跟得上,之後我就慢慢放慢進度讓大家上得容易啲。」

問反應係咪好熱烈?陳婉衡笑住話:「初初教場場都爆棚,呢排Gym Room開翻,但我又唔小心拉親條筋,所以呢兩個禮拜就休息,希望下個禮拜可以教番。」

陳婉衡平日都會分享一啲健身、旅行嘅靚相,雖然多數都係曬身材,但都抵擋唔住粉絲對佢嘅喜愛,好身材當然攞出嚟曬都無可厚非,或者都因為咁陳婉衡嘅粉絲數高達13.3萬。

而唔少網友都會抨擊陳婉衡,指佢喺社交平臺上放嘅相太過性感,對于言論比較刻薄嘅網友,陳婉衡就表示自己其實好樂觀,唔開心嘅狀態自己可以一下就較過嚟。

唔知道,你認為社交平臺上放咁性感相好嗎?

Like MisshkNews Facebook!不出门也能知天下事~

發佈回覆

你的電郵地址並不會被公開。